ابھی بہت آگے جانا ہے ، بابر اعظم کامستقبل سے متعلق بڑا اعلان

پاکستان کے سابق کپتان بابر اعظم کا کہنا ہے کہ میں جہاں کھڑا ہوں اس سے مطمئن نہیں ہوں ابھی اور بھی منازل طے کرنی ہیں۔بابر اعظم نے ایک انٹرویو میں کہا کہ کور ڈرائیو میری اسٹرنتھ ہے ، یہ شاٹ کھیل کر میرے اعتماد میں اضافہ ہوتا ہے ۔ کور ڈرائیو کے لیے میں نے بڑی محنت کی ہے اب کسی حد تک ماہر ہو گیا ہوں، میں جہاں کھڑا ہوں اس سے مطمئن نہیں ہوں ابھی اور بھی منازل ہیں۔ جب میں فلاپ ہوں تو کئی لوگوں سے بات کرتا ہوں، میں اپنی غلطیوں سے سیکھتا ہوں۔سابق کپتان کا کہنا تھا کہ ٹی ٹوئنٹی میں ینگ بلڈ اچھی چیز ہے لیکن اس کے ساتھ تجربے کی بھی ضرورت ہوتی ہے ، تجربہ کار کھلاڑی کو اندازہ ہوتا ہے کہ دباؤ میں کیسے سنبھالنا ہے ۔ پارٹنر شپ کے لیے وکٹ پر ٹھہر کر کھیلنے کی کوشش کرتا ہوں۔بابر کا کہنا تھا کہ ایشین کھلاڑیوں کو آسٹریلیا، نیوزی لینڈ، انگلینڈ اور ساؤتھ افریقا میں مشکل پیش آتی ہے ، اس کا حل ایک ہی ہے باؤنس اور پیس کے لیے خود کو تیار کریں۔ انہوں نے کہا کہ بنگلا دیش پریمیئر لیگ کھیلنے سے ان کنڈیشنز میں سپنرز کھیلنے کا تجربہ مل رہا ہے ۔ بی پی ایل میں کوالٹی اسپنرز ہیں، وکٹیں آسان نہیں ہیں، ہر جگہ کی کنڈیشنز کا علم ہوتا ہے اور ان کنڈیشنز کے مطابق کھیلنے کی کوشش کرتا ہوں۔