اقبال اسٹیڈیم فیصل آباد میں چیمپئنز ون ڈے کپ کا میلہ سجنے کو تیار

اسلام آباد(سپورٹس نیوز)پاکستان کرکٹ بورڈ نے چیمپئنز ون ڈے کپ کے لیے میچ آفیشلز کا اعلان کردیا۔سابق آئی سی سی ایلیٹ امپائر علیم ڈار اور آئی سی سی انٹرنیشنل پینل کے امپائر آصف یعقوب 12 ستمبر کو کپ کے افتتاحی میچ کو سپر وائز کریں گے۔اقبال اسٹیڈیم فیصل آباد میں چیمپئنز ون ڈے کپ کا میلہ سجیگا۔ 13 ستمبر کو وولوز اور پینتھرز کے درمیان افتتاحی میچ ہوگا۔سابق ٹیسٹ کرکٹر علی نقوی پلینگ کنٹرول ٹیم کی قیادت کریں گے، جس میں ولید یعقوب اور ذوالفقار جان بھی تھرڈ اور فورتھ امپائر کے طور پر شامل ہوں گے۔ علیم ڈار، آصف یعقوب، ولید یعقوب اور ذوالفقار جان نو امپائرز کے پینل میں شامل ہیں ۔کھلاڑیوں کے دیگرپانچ امپائرز میں فیصل آفریدی، امتیاز اقبال، عمران جاوید، ناصر حسین اور راشد ریاض شامل ہیں۔