ایمن خان کا ہوٹلز میں رات کو تنہا سونے سے ڈرنے کا انکشاف

خوبرو پاکستانی اداکارہ ایمن خان نے ایک پوڈ کاسٹ کے دوران گفتگو کرتے ہوئے انکشاف کیا ہے کہ مجھے شوٹنگز کے دوران ہوٹلز میں رات کو تنہا سونے سے خوف آتا ہے ۔ مجھے ہوٹلز میں رات کو تنہا سونے سے ڈر لگتا ہے ، اس لئے میں کسی نہ کسی کے ساتھ جا کر سوتی ہوں، ایک بار پیرس شوٹنگ کیلئے گئی تو رات کو میں اپنی فیشن ڈیزائنر کے ساتھ کمرے میں جا کر سوئی تھی۔انہوں نے کہا کہ میں نے زندگی میں پہلی بار 10 سال کی عمر میں جہاز کا سفر کیا تھا، میں 10 سال کی عمر میں بہن منال خان کے ہمراہ تھائی لینڈ کمرشل کی شوٹنگ کیلئے گئی تھی اور والد بھی ہمارے ساتھ تھے ۔ان کا کہنا تھا کہ اس سے قبل میں نے لاہور بھی نہیں دیکھا تھا اور پاکستان کے کسی بھی شہر کو دیکھنے سے قبل میں نے تھائی لینڈ دیکھا۔انہوں نے کہاکہ جہاز میں سفر کے دوران کانوں میں ہوا جانے سے وہ بند ہوجاتے ہیں۔