بجلی وگیس کی بندش نے عوام کا جینا محال کردیاہے

مکو آنہ(نامہ نگار)سابق ناظم 215ر۔ ب ککوآنہ اور امیدوار این اے 99چوہدری محمد حنیف جٹ ایڈووکیٹ نے کہا ہے کہ ملک بھرمیں بجلی اور گیس کی شدید بندش نے عوام کا جینا محال کردیا ہے ایک طرف گیس سارا سارا دن آتی نہیں تو دوسری جانب بھاری بھرکم بل عوام کیلئے وبال جان بن چکے ہیں۔ملک میں ہرطرف معاشی بحران ہے گیس کی قیمتوں میں ہونے والا اضافہ شرمناک ہے ۔ کم آمدنی والے طبقہ دیہاڑی دار مزدور کی زندگی ہی اجیرن نہیں بلکہ سفید پوش طبقہ بھی ذہنی طور پر مفلوج ہے۔ انہوں نے کہا کہ اسوقت بجلی وگیس کی قیمتوں،مارک اپ میں اضافہ اورٹیکسوں کی بھر مار کے باعث پیداواری لاگت میں اضافے نے لوگوں قوت خرید ختم کردی ہے۔انہوں نے مزید کہاکہ رواں سال بھی لاکھوں نوجوانوں اور ہنر مند پاکستانیوں کا روزگار کے حصول وبہتر معیار زندگی کے لئے بیرون ممالک منتقل ہونا با حیثیت قوم ہمارے لیے لمحہ فکریہ ہے ، حکمرانوں کو اس حوالے سے ترجیح بنیادوں پر اقدامات کرنیکی ضرورت ہے ۔