بجلی کا شارٹ فال 50 فیصد کے قریب ہو گیا

اسلام آباد (بیوروچیف ) پاور پلانٹس میں مرمتی کام اور ایندھن کی کمی کے باعث بجلی کا شارٹ فال پیداوار کے مقابلے میں 50فیصد کے قریب پہنچ گیا۔ذرائع پاور ڈویژنکیمطابق ملک میں بجلی کی طلب 14ہزار 500میگاواٹ ہو گئی، مختلف ذرائع سے صرف 7ہزار 800میگاواٹ بجلی پیدا ہو رہی ہے جبکہ شارٹ فال 6700میگاواٹ تک پہنچنے سے مختلف علاقوں میں لوڈ شیڈنگ کا دورانیہ 12گھنٹے تک جا پہنچا۔ذرائع پاور ڈویژن کے مطابق پن بجلی کی پیداوار میں 80فیصد تک کمی ہوئی ہے، پن بجلی 10ہزار میگاواٹ کے بجائے صرف 1200میگاواٹ پیدا کی جارہی ہے، تربیلا ڈیم سے 330میگاواٹ بجلی پیدا ہورہی ہے، منگلا ڈیم سے 250میگاواٹ بجلی پیدا کی جارہی ہے۔