تمام ایئر پورٹس پرجدید اسکیننگ مشینیں نصب کرنے کا فیصلہ

اسلام آباد(بیوروچیف) وفاقی حکومت نے ملک کے تمام ایئرپورٹس پرجدید اسٹیٹ آف دی آرٹ اسکیننگ مشینیں نصب کرنیکافیصلہ کر لیا۔ جدیدمشینوں سے ایئرپورٹ پرسکیورٹی سسٹم عالمی سطح کے معیارکا ہوجائے گا ۔لاہور ،کراچی اور اسلام آباد ایئرپورٹ پر مرحلہ وار نصب ہوں گی۔اب کچھ نہیں چھپے گا، تمام ائیرپورٹس پر جدید سکیننگ مشینیں نصب ہوں گی۔تفصیلات کے مطابق سول ایوی ایشن اتھارٹی نے فیصلہ کیا ہے کہ ملک کے تمام ایئرپورٹس پرجرمنی سے درآمد شدہ جدید28بیگجزاسکیننگ مشینیں نصب ہونگی۔ پی پی آئی کے مطابق سول ایوی ایشن اتھارٹی کے ذرائع نے بتایا کہ ایئرپورٹس پر سامان کی اسکیننگ کے لئے جدید مشینیں جرمنی سے درآمدکی جارہی ہیں۔ یہ مشینیں ضرر رساں آلات اوربارودی موادکوجانچنے کی صلاحیت بھی رکھتی ہیں۔جدیدمشینوں سے ایئرپورٹ پرسکیورٹی سسٹم عالمی سطح کے معیارکا ہوجائے گا۔سی اے اے کے ذرائع کے مطابق جدیدمشینیں رواں سال فروری کے مہینے میں اے ایس ایف کے حوالے کردی جائیں گی۔ ایئرپورٹ پر لگی ہوئی پرانی بیگجز اسکیننگ مشینوں کو مرحلہ وار تبدیل کیا جائے گا۔ جدید مشینیں لاہور ،کراچی اور اسلام آباد ایئرپورٹ پر مرحلہ وار نصب ہوں گی۔