تیز رفتار کار کی ٹکر ، سڑک عبور کرنیوالا شہری چل بسا

فیصل آباد (سٹاف رپورٹر) جھنگ روڈ پر جھپال کے قریب سڑک عبور کرتے ہوئے شہری تیز رفتار کار کی ٹکر لگنے سے زندگی کی بازی ہار گیا، پولیس نے نعش تحویل میں لیکر حادثے کے مرتکب ڈرائیور کی تلاش شروع کر دی۔ بتایا جاتا ہے کہ 175 ج ب کا رہائشی 52سالہ ممتاز احمد ولد منظور خاں جھنگ روڈ پر 73 ج ب جھپال کے قریب سڑک عبور کر رہا تھا کہ تیز رفتار کی ٹکر لگنے سے بری طرح زخمی ہو کر گر پڑا تو حادثے کا مرتکب ڈرائیور موقع سے فرار ہو گیا، حادثہ کی اطلاع ملتے ہی ریسکیو1122 کی ٹیم موقع پر پہنچی تو ممتاز احمد زخموں کی تاب نہ لاتے ہوئے دم توڑ چکا تھا، جس پر پولیس نے نعش تحویل میں لیکر ضروری کارروائی کے بعد ورثاء کے حوالے کرتے ہوئے حادثے کے مرتکب ڈرائیور کی تلاش شروع کر دی ہے۔