حالات کے ستائے نوجوان کی زہریلی گولیاں نگل کر خود کشی

فیصل آباد (سٹاف رپورٹر) حالات کے ستائے نوجوان نے زہریلی گولیاں کھا کر خودکشی کر لی، ہسپتال انتظامیہ نے ضروری کارروائی کے بعد نعش ورثاء کے حوالے کر دی۔ بتایا جاتا ہے کہ گوجرہ کے رہائشی 30سالہ اقبال ولد رشید نے گھریلو ومعاشی حالات سے دلبرداشتہ ہو کر گندم میں رکھنے والی زہریلی گولیاں نگل لیں، علم ہونے پر اہل خانہ نے تشویشناک حالت میں ہسپتال پہنچایا، جہاں ڈاکٹروں نے اسکی جان بچانے کیلئے سرتوڑ کوشش کرتے ہوئے اس کا معدہ واش کیا، تاہم دوران علاج وہ زندگی کی بازی ہار گیا تو ہسپتال انتظامیہ نے ضروری کارروائی کے بعد نعش ورثاء کے حوالے کر دی۔