زلزلہ متاثرین کی امداد کیلئے رونا لڈو اور میسی میدان میں آگئے

ترکیہ اور فٹبال کلب اٹلانٹا کے پلیئر میرح ڈیمیرل کی اپیل پر کرسٹیانو رونالڈو نے زلزلہ متاثرین کی امداد کے لیے اپنی جرسی فروخت کردی۔غیر ملکی میڈیا رپورٹس کے مطابق سٹار فٹبالر کرسٹیانو رونالڈو کی جرسی 2 لاکھ 12 ہزار 450 ڈالر(5 کروڑ 72 لاکھ روپے سے زائد) میں فروخت ہوئی جس کی رقم وہ زلزلہ متاثرین کو دیں گے ۔پرتگال کے کرسٹیانو رونالڈو سمیت ترکیہ کے متعدد فٹبالرز شام اور ترکیہ میں آئے تباہ کن زلزلوں سے ہونے والی تباہی سے متاثرہ لاکھوں افراد کی امداد کیلئے سامنے آگئے ۔ترکیہ اور فٹبال کلب اٹلانٹا کے پلیئر میرح ڈیمیرل نے تباہ کن زلزلے کے متاثرین کیلئے لیونل میسی سمیت متعدد فٹبالرز سے اپنی ذاتی جرسیاں عطیہ کرنے کی درخواست کی تھی۔ ارجنٹینا کے کپتان لیونل میسی نے اپنی فاؤنڈیشن کے ذریعے 3.5 ملین یورو یعنی پاکستان روپوں میں (1 ارب ایک کروڑ 70 لاکھ) امداد کا اعلان کیا۔