زلزلے سے متاثرین کی دل کھول کر مدد کرنی چاہیے

فیصل آباد (پ ر) جے آئی یوتھ کے ضلعی صدر حافظ محمدنویداعوان نے ترکیہ، اورشام میںشدید زلزلے سے ہونے والی تباہ کاریوں پر اظہار افسوس کرتے ہوئے اپیل کی ہے کہ امت مسلمہ مصیبت میں گھرے اپنے بھائیوں کی دل کھول کر مدد کرے۔ انہوں نے کہا ہم بحیثیت امت مسلمہ قدرتی آفات کا شکار ہونے والے انسانوں کی مدد ہمارا فرض ہے۔انہوں نے یاد دلایا کہ ترکیہ نے ہمیشہ پاکستان کی بین الاقوامی ایشوز میں حمایت کی اور مشکل وقت میں پاکستانی قوم کے ساتھ کھڑا ہواہے۔2005ء میںپاکستان میں جب زلزلہ اور بعدازاں 2009 اور 2022 سمیت متعدد بار جب بھی سیلاب آئے ترکیہ نے بڑھ چڑھ کر امدادی سرگرمیوں میں حصہ لیا۔ لہٰذاجہاں حکومت پاکستان کا فرض بنتا ہے وہیںسیاسی مذہبی اور سماجی تنظیموں کو بھی چاہیے کہ مصیبت میں گھرے اپنے بھائیوں کی مدد کے لیے امدادی کیمپ لگائیں۔اور انہیں ریلیف کا سامان مہیا کریں۔ پاکستان کی طرف سے ترکیہ کے عوام کو اچھا پیغام جانا چاہیے کہ مشکل کی اس گھڑی میں ہم ان کے ساتھ ہیں۔