سال نو کی پہلی انسداد پولیو مہم 16جنوری سے شروع ہو گی

سرگودہا(بیوروچیف) ضلع بھر میں اس سال کی پہلی انسداد پولیو مہم 16 سے 20 جنوری تک جاری رہے گی ۔ پولیو مہم کے سو فیصد اہداف کو حاصل کرنے کیلئے تمام تر انتظامات مکمل کر لئے گئے ہیں ۔ ضلع بھر کی 167یونین کونسلوںمیںتین ہزار 331 پولیو ٹیمیں گھر گھر جا کر 6 لاکھ 89 ہزار408 بچوں کو پولیو سے بچا کے دو قطرے پلائیں گی۔ بچوں کو وٹا من اے کے قطرے بھی پلائے جائیں گے ۔ یہ بات ڈپٹی کمشنر کیپٹن ریٹائرڈ ندیم ناصر کی زیر صدارت منعقدہ جائزہ اجلاس میں بتائی گئی ۔ اجلاس میں سی او ہیلتھ ڈاکٹر خالقداد نسوانہ کے علاوہ دیگر متعلقہ افسران نے شرکت کی۔ اجلاس کو بتایاگیا کہ انسدادپولیو مہم کیلئے 169یو سی ایم اوز سمیت مجموعی طورپر 7 ہزار 237 فیلڈ سٹاف کو ذمہ داریاں تفویض کر دی گئی ہیں ۔ 3 ہزار36 موبائل 206 فیکسڈ اور 89 ٹرانزٹ ٹیمیں تشکیل دی گئی ہیں ۔تحصیل سرگودہا میں 2 لاکھ 85 ہزار 605 سلانوالی میں 69 ہزار 362 بچوں کو پولیو قطرے پلائے گئے۔