سرگودھا’ سرکاری کالجز کے مابین کالجیٹ گیمز کا افتتاح

سرگودہا (بیوروچیف) ضلع بھر کے طالبات کے سرکاری کالجز کے مابین انٹر کالجیٹ گیمز 2023 کا افتتاح ہو گیا ۔ افتتاحی تقریب گور نمنٹ گریجوایٹ کالج برائے خواتین چاندنی چو ک پر منعقد ہو ئی ۔ تقریب کے مہمان خصوصی ا یڈ یشنل ڈپٹی کمشنر ریونیو محسن صلاح الدین تھے ۔ ر نگا رنگ تقریب میں ڈائریکٹر کالجز سرگودہاسرفراز گجر ‘ ڈویژنل سپورٹس آفیسر طارق نذیر ‘ سیکرٹری بورڈ ڈاکٹر محسن عباس ‘ڈپٹی ڈائریکٹر کالجز ابوالحسن نقوی ‘ پرنسپل ڈاکٹر سعیدہ جمشید اور ڈاکٹر رضوانہ مسعود سمیت اراکین کالج کونسل او رطالبات نے بڑی تعداد میں شرکت کی ۔ انٹر کالجیٹ گیمز میں ضلع بھر کے سرکاری طالبات کے کالجز کی ٹیمیں حصہ لے رہی ہیں جن کے مابین بیڈمنٹن ‘ اتھلیکٹس ‘ کرکٹ ‘ والی بال سمیت دیگر مقابلہ جات کروائے جارہے ہیں ۔ مہمان خصوصی اے ڈی سی آر محسن صلاحی الدین نے طالبات سے حلف لیا اور کھیلوں کے انعقاد کو طالبات کیلئے مثبت سرگرمی قرار دیا۔