سم واپسی پر200روپے فیس نافذ

اسلام آباد(بیوروچیف)سیلولر موبائل آپریٹرز نے پی ٹی اے کی طرف سے فراہم کردہ رعایتی مدت ختم ہونے پر صارفین کی طرف سے غیرضروری سم کارڈز کی واپسی پر 200روپے فیس کا نفاذ کر دیا ہے ،پی ٹی اے نے صارفین پر زور دیا تھا کہ وہ 31 دسمبر 2023 تک بغیر کسی چارجز کے غیر ضروری سم کارڈز کو رضاکارانہ طور پر ترک کردیں یا واپس کردیں، ذرائع کے مطابق پی ٹی اے نے غیر ضروری سم کارڈز کو مسترد کرنے یا واپس کرنے کے لیے پہلے سے فراہم کردہ رعایتی مدت میں توسیع نہ کرنے کا فیصلہ کیا ہے، فیس عائد کرنے کا فیصلہ پی ٹی اے کی جانب سے مفت سم کارڈز کے غلط استعمال اور غیر قانونی سرگرمیوں میں موبائل سروسز کے ملوث ہونے سے نمٹنے کیلئے کی گئی کوششوں سے منسوب ہے، یہ فیس آزاد کشمیر اور گلگت بلتستان سمیت پاکستان کے تمام صوبوں پر لاگو ہوگی۔