16

سندھ میں HIV سے 324 بچوں کے جاں بحق ہونے کا انکشاف

کراچی(بیوروچیف)سندھ میں ایچ آئی وی سے متاثرہ 324 بچوں کے جاں بحق ہونے کا انکشاف ہوا ہے ۔محکمہ صحت سندھ کے مطابق سندھ میں ایچ آئی وی سے متاثرہ 324 بچے چار سال میں جاں بحق ہوئے ہیں، ایک سال کے دوران ایچ آئی وی سے متاثرہ 164 بچے جاں بحق ہوئے ہیں۔محکمہ صحت سندھ کا کہنا ہے کہ ایچ آئی وی سے متاثرہ جاں بحق بچوں میں لڑکوں کی تعداد 207 ہے ، چارسال میں جاں بحق ہونے والے بچوں میں لڑکیوں کی تعداد 117 ہے ۔صوبائی محکمہ صحت کا کہنا ہے کہ سندھ میں ایچ آئی وی سے متاثرہ بچوں کی تعداد 2 ہزار 865 ہو چکی ہے ، گزشتہ دو ماہ کے دوران ایچ آئی وی سے 17 مز ید بچے متاثر ہوئے ہیں۔بچوں کے متعدی امراض کی ماہر ڈاکٹر فاطمہ میرکا کہنا ہے کہ سندھ میں ایچ آئی وی سے متاثرہ بچوں کے مرنے کی بڑی وجہ ٹی بی تھی، ایچ آئی وی سے متاثرہ بچوں میں خون کی کمی اور ویکسینیشن نہ ہوناعام ہے ، ایچ آئی وی سے متاثرہ بچوں میں ہیپاٹائٹس بی اور سی بھی عام ہے ۔

اس خبر پر اپنی رائے کا اظہار کریں

اپنا تبصرہ بھیجیں