سٹاک میں زبردست تیزی

کراچی(بیوروچیف) پاکستان سٹاک ایکسچینج میں کاروبار کا مثبت رجحان جاری ہے اور 100 انڈیکس نے تاریخ کی نئی بلندی کو چھو لیا ہے۔ آج کاروباری روس کے آغاز سے ہی 100 انڈیکس میں مثبت رجحان دیکھا گیا اور ایک موقع پر انڈیکس1299پوائنٹس اضافے سے ایک لاکھ 19ہزار 273پر ٹریڈ کرتا دیکھا گیا جو کہ اس کی اب تک کی بلند ترین سطح ہے۔یاد رہے کہ گزشتہ روز بھی پاکستان اسٹاک ایکسچینج میں کاروبار کے اختتام پر 100انڈیکس 972پوائنٹس کے اضافے کے بعد ایک لاکھ 17ہزار 974پوائنٹس پر بند ہوا تھا جبکہ کاروباری دن میں 100انڈیکس کی بلند ترین سطح ایک لاکھ 18ہزار 243پوائنٹس رہی تھی۔