45

شکیب الحسن نے عالمی T20 میچوں کا اہم اعزاز حاصل کرلیا

بنگلادیش کے سٹار آل راؤنڈر شکیب الحسن نے نیوزی لینڈ کے فاسٹ باؤلر ٹم ساؤتھی کو پیچھے چھوڑتے ہوئے ٹی 20 انٹرنیشنلز میں اہم اعزاز اپنے نام کر لیا۔شکیب الحسن ٹی 20 انٹرنیشنلز میں سب سے زیادہ وکٹیں حاصل کرنے والے باؤلر بن گئے ۔انہوں نے آئرلینڈ کے خلاف دوسرے ٹی 20 میں 5 وکٹیں حاصل کرتے ہوئے ٹی 20 انٹرنیشنلز میں 136 وکٹیں مکمل کیں۔اسی کے ساتھ شکیب الحسن نیوزی لینڈ کے ٹم ساؤتھی کو پیچھے چھوڑتے ہوئے ٹی 20 انٹرنیشنلز میں سب سے زیادہ وکٹیں لینے والے باؤلر بن گئے ۔شکیب الحسن نے 2006 میں زمبابوے کے خلاف ٹی 20 میں ڈیبیو کیا اور تب سے اب تک وہ 114 میچز میں ریکارڈ 136 وکٹیں حاصل کرچکے ہیں۔اس کے علاوہ انہوں نے 122.33کے سٹرائیک ریٹ سے 2 ہزار 339 رنز بنائے ہیں، یہی وجہ ہے کہ شکیب الحسن کا شمار دنیا کے بہترین آل راؤنڈرز میں ہوتا ہے ۔

اس خبر پر اپنی رائے کا اظہار کریں

اپنا تبصرہ بھیجیں