فوڈ سیفٹی ٹیموں کا چنیوٹ میں بلا تعطل فیلڈ آپریشن

چنیوٹ(نامہ نگار) فوڈ سیفٹی ٹیموں کا بلاتعطل فیلڈ آپریشن جاری ۔ڈپٹی ڈائریکٹر آپریشنز ڈاکٹر محمد قاسم رضا کی سربراہی میں فوڈ سیفٹی ٹیم نے گرینڈ آپریشن کیا اورمتعدد ریسٹورنٹس اور سویٹس اینڈ بیکرز یونٹس کا معائنہ کیا۔ڈپٹی ڈائریکٹر آپریشنز نے بتایا کہ دوران معائنہ ریسٹورنٹس میں صفائی اور سٹوریج کے ناقص انتظامات پائے گئے۔ مصالحہ جات کی ترکیب میں ممنوع چائنیز سالٹ کا استعمال پایا گیا۔کچن سے گلی سڑی سبزیاں برآمد،فرائنگ کے لئے جلا ہوا15 لیٹر سے زائد آئل بھی برآمدہوا جس کو موقع پر تلف کر دیا گیا ۔ علاوہ ازیں ریسٹورنٹس کو قوانین کی خلاف ورزی پر67ہزسر روپے کے جرمانے عائد کئے گئے۔ 11کلو ممنوع مصالحہ جات، 4کلوگلی سڑی سبزیاں تلف،علاوہ ازیں سویٹس اینڈ بیکرز آوٹلیٹ سے ایکسپائرڈ اشیا فروخت کیلئے پائی گئیں۔