قوم پر 170ارب کا بوجھ ڈال دیا گیا

اسلام آباد(بیوروچیف) صدر مملکت عارف علوی نے فنانس (سپلیمنٹری)بل2023کی منظوری دے دی۔صدر مملکت عارف علوی نے فنانس بل2023کی منظوری آئین کے آرٹیکل 75 کے تحت دی ہے۔خیال رہے کہ قومی اسمبلی میں مالیاتی قانون سازی کو اپوزیشن اراکین کی موجودگی میں کثرت رائے سے منظور کیا گیا تھا جسے وفاقی وزیر خزانہ اسحاق ڈار نے پیش کیا۔بل میں170ارب روپے مالیت کے نئے ٹیکس لگائے گئے ہیں تاکہ تعطل کا شکار بین الاقوامی مالیاتی فنڈ کے بیل آوٹ پروگرام کو بحال کیا جائے اسے جلد از جلد مالیاتی ایکٹ میں تبدیل کرنے کی ضرورت ہے۔