لاہور کی کوئٹہ کو شکست آج ملتان اور کراچی کا میچ

کراچی(سپورٹس نیوز) پاکستان سپر لیگ میں آج ملتان سلطانز اور کراچی کنگزکا میچ ہو گا۔ یہ ملتان سٹیڈیم میںرواں برس سیزن کا آخری میچ ہے۔ جمعرات کو نیشنل اسٹیڈیم میں پشاور زلمی اور اسلام آباد یونائیٹڈ کا میچ ہوگا۔گزشتہ روزکھیلے گئے میچ میں لاہور قلندرز نے کوئٹہ گلیڈی ایٹرز کو63 رنز دے کر شکست دے دی۔نیشنل اسٹیڈیم کراچی میں کھیلے گئے لیگ کے 10 ویں میچ میں کوئٹہ گلیڈی ایٹرز مقررہ 20 اوورز میں 8 وکٹوں کے نقصان پر 135 رنز بنا سکی۔کوئٹہ گلیڈی ایٹرز کی جانب سے جیسن روئے 48 رنز بنا کر نمایاں رہے۔ محمد حفیظ 25، مارٹن گپٹل 15، قیس احمد 9، اوڈین اسمتھ 9، افتخار احمد 6 اور محمد نواز 2 رنز بنا کر آئوٹ ہوئے۔کپتان سرفراز احمد 16 رنز بنا کر ناٹ آئوٹ رہے۔لاہور قلندرز کی جانب سے کپتان شاہین شاہ آفریدی اور ڈیوڈ ویزے نے 3،3 جبکہ راشد خان اور سکندر رضا نے 1،1 وکٹ حاصل کی’اس سے قبل کوئٹہ گلیڈی ایٹرز کی دعوت پر پہلے بیٹنگ کرتے ہوئے لاہور قلندرز نے مقررہ 20 اوورز میں وکٹوں کے نقصان پر رنز بنائے۔لاہور قلندرز کی جانب سے وکٹ کیپر بیٹر شائے ہوپ 47 رنز بنا کر نمایاں رہے۔ مرزا بیگ 31، حسین طلعت 26، فخر زمان 22، کامران غلام 21 اور ڈیوڈ ویزے 1 رن بنا کر آئوٹ ہوئے۔سکندر رضا 32 جبکہ راشد خان 11 رنز بنا کر ناقابلِ شکست رہے۔کوئٹہ گلیڈی ایٹرز کی جانب سے اوڈین اسمتھ اور قیس احمد نے 2،2 جبکہ محمد نواز اور محمد حسنین نے 1،1 وکٹ حاصل کی۔