ماموں کانجن میں پولیس کا موثرگشت بڑھایا جائے

ماموں کانجن (نامہ نگار)ماموں کانجن کے شہریوں نے سی پی او سے مودبانہ عرض کی ہے کہ رات کو شہر کے داخلی اور خارجی راستوں پر پولیس کا موثر اور مکمل گشت بڑھایا جائے۔شہر میں رات کو شادی یا کوئی اور فنکشن ہو تو لوگوں کو پولیس وین کی کوئی گاڑی نظرنہیں آتی۔رات کو سفر کرنے جانے یا آنے والوں کو کرائم کا خطرہ ہوتا ہے۔ رات کو خوف و دہشت کا ماحول کسی آمدہ وارات کی وجہ سے پیدا ہونا قدرتی بات ہے موثرگشت نہ ہونے سے کرائم کا گراف بڑھ رہا ہے۔ اگر پولیس نفری کی کمی ہے تو اسے فوری پورا کیا جائے۔ پولیس کے موثر اور مسلسل گشت سے نہ صرف عوام کو سکون کا ماحول ملے گا بلکہ پولیس کارکردگی بھی بڑھے گی اور عوام کا اعتماد بھی بڑھے گا پولیس کا فرض مبنی ہے کہ عوام کو تحفظ فراہم کرے۔