مفت کتابوں کی فراہمی ‘ محکمہ ایجو کیشن نے اربوں روپے مانگ لئے

لاہور(بیوروچیف)محکمہ سکولز ایجوکیشن نے بچوں کو مفت کتابیں دینے کے لئے چودہ ارب روپے مانگ لیے ۔محکمہ سکولز ایجوکیشن نے کچی سے لے کر میٹرک تک کے بچوں کو مفت کتابیں دینے کے لئے بجٹ مانگا ہے ۔ محکمہ سکولز ایجوکیشن نے وزیراعلی کو سمری ارسال کر دی ہے ۔ محکمہ خزانہ نے سمری پر ضروری کارروائی شروع کر دی ہے ۔محکمہ خزانہ کے بعد سمری منظوری کے لیے وزیر اعلی کے پاس جائے گی۔ محکمہ خزانہ اس سے قبل محکمہ سکولز ایجوکیشن کو اس مد میں ساڑھے تین ارب روپے پہلے ہی ادا کر چکا ہے ۔