36

مہنگائی زیادہ ‘ تنخواہ ہیں کم ‘ ایف بی آر ملازمین نے کرپشن کرنے کی اجازت مانگ لی

اسلام آباد(بیوروچیف)بے لگام مہنگائی اور کم تنخواہوں سے گزارا مشکل ہونے لگا، ایف بی آر ان لینڈ ریونیو ملازمین نے وزیراعظم کو خط لکھ کر کرپشن کی اجازت مانگ لی۔ایف بی آر ان لینڈ ریونیو ملازمین نے وزیراعظم کو لکھے گئے خط میں کہا ہے کہ شدید مہنگائی کے باعث گھریلو اخراجات تنخواہ سے پورے نہیں ہو رہے، نیب، ایف آئی اے اور پی ایم آفس سمیت دیگر اداروں کے ملازمین کی تنخواہیں زیادہ ہیں، وزیراعظم ایف بی آر ان لینڈ ریونیو ملازمین کیلئے ایگزیکٹو الانس فراہم کرنے کی منظوری دیں۔خط میں کہا گیا ہے کہ مہنگائی اور اخراجات بڑھنے کے باعث مستقبل کیلئے جمع پونجی تو درکنار لاکھوں روپے کا قرض چڑھ رہا ہے، شدید مہنگائی اور حکومتی عدم داد رسی کیباعث غیر قانونی ذرائع سے پیسہ کمانے کے علاوہ کوئی آپشن نہیں بچا۔

اس خبر پر اپنی رائے کا اظہار کریں

اپنا تبصرہ بھیجیں