اسلام آباد(بیوروچیف)و زیراعظم شہبا ز شریف نے کہا ہے کہ پاکستان میں غیر ملکی سرمایہ کاروں کو ہر ممکن سہولت فراہم کی جائے گی، پاکستان متحدہ عرب امارات کے ساتھ تجارت اور سرمایہ کاری سمیت مختلف شعبوں میں برادرانہ تعلقات کو مزید وسعت دینے کو بہت اہمیت دیتا ہے ۔وزیر اعظم سے متحدہ عرب امارات کی سرمایہ کاری کمپنی کے وفد کی ملاقات کی ہے ۔ وفد کی قیادت حیات بائیو ٹیک کے چیئرمین اور متحدہ عرب امارات کے حکمران خاندان کے رکن شیخ احمد دلموک المکتوم نے کی ۔اجلاس میں وفاقی وزیر خزانہ محمد اسحاق ڈار، وزیر برائے نیشنل ہیلتھ سروسز عبدالقادر پٹیل، ایس اے پی ایم طارق فاطمی اور متعلقہ سرکاری محکموں کے اعلیٰ حکام نے بھی شرکت کی۔وزیراعظم نے کہا کہ ایک پاکستان اور متحدہ عرب امارات کے درمیان برادرانہ تعلقات کی جڑیں تاریخ میں گہری ہیں۔ پاکستان متحدہ عرب امارات کے ساتھ تجارت اور سرمایہ کاری سمیت مختلف شعبوں میں برادرانہ تعلقات کو مزید وسعت دینے کو بہت اہمیت دیتا ہے۔پاکستان میں غیر ملکی سرمایہ کاروں کو ہر ممکن سہولت فراہم کی جائے گی۔ وزیراعظم نے حیات بائیو ٹیک کی جانب سے ویکسین کی تیاری میں سرمایہ کاری میں گہری دلچسپی کا خیرمقدم کیا۔ وزیراعظم نے وفد کو قابل تجدید توانائی کے شعبے میں سرمایہ کاری کی دعوت بھی دی ۔ شیخ احمد دلموک المکتوم نے کہا کہ وہ پاکستان میں سرمایہ کاری کے وسیع امکانات سے آگاہ ہیں اور متحدہ عرب امارات توانائی اور صحت کے شعبوں میں اپنے قدموں کو مزید وسعت دینے کا منتظر ہے۔ شیخ احمد دلموک المکتوم نے پاکستان میں متحدہ عرب امارات کے سرمایہ کاری کے پورٹ فولیو کو مزید وسعت دینے کی خواہش کا اظہار کیا۔
