پرویز الٰہی نے حکومت ختم ہونے سے پہلے 41 ارب کے فنڈز جاری کردیئے

لاہور (بیوروچیف)وزیراعلی پنجاب چودھری پرویزالہی اور ان کے پرنسپل سیکرٹری محمد خان بھٹی نے اپنے آبائی شہروں گجرات اور منڈی بہائوالدین کیلئے مختص41 ارب روپے کے مکمل فنڈ جاری کرالیے۔وزیر اعلی پنجاب چودھری پرویزالہی اور محمد خان بھٹی نے5 ماہ میں اپنے آبائی ضلع گجرات اور منڈی بہاالدین کیلئے 127ارب مالیت کے منصوبوں کو بجٹ کا حصہ بنایا۔ اب وزیراعلی چودھری پرویزالہی اور پرنسپل سیکرٹری نے آبائی شہروں کو 100 فیصد فنڈ جاری بھی کرا دیے ہیں۔اسمبلی تحلیل ہونے کیساتھ ہی جمعہ کے روز گجرات اور منڈی بہاالدین کو 100 فیصد فنڈ جاری کیا گیا۔ دستاویزات کے مطابق رواں مالی سال کے بجٹ میں مختص 28 ارب 97 کروڑ روپے کے تمام فنڈ گجرات کو جاری کیے گئے، منڈی بہاالدین کو رواں مالی سال کے بجٹ میں مختص 12 ارب 64 کروڑ روپے کے تمام فنڈ جاری کیے گئے ہیں۔رواں مالی سال کے بجٹ میں دونوں شہریوں کیلئے 41 ارب کے فنڈ مختص کیے گئے تھے، ان 41 ارب میں سے گجرات اور منڈی بہاالدین پر 5 ماہ میں 27 ارب روپے خرچ ہوچکے ہیں۔دوسری جانب پنجاب بھر کیلئے مختص شدہ 726 ارب روپے کے ترقیاتی بجٹ سیاب تک 467 ارب روپیجاری کیے گئے ہیں جبکہ 248 ارب روپے استعمال کیے گئے ہیں۔