چین کاپرویزمشرف کے انتقال پر گہرے دکھ کا اظہار

بیجنگ (مانیٹرنگ ڈیسک) چینی وزارت خارجہ کی ترجمان مائو نینگ نے کہا ہے کہ پاکستان کے سابق صدر پرویز مشرف چین کے اچھے دوست تھے، ان کا چین ـپاک دوستی کی ترقی میں نمایاں حصہ رہا۔ پیر کے روز چینی میڈ یا کے مطا بق انہوں نے پرویز مشرف کے انتقال پر گہرے دکھ اور افسوس کا اظہار کرتے ہوئے ان کے خاندان سے دلی تعزیت کی ماو نینگ نے کہا کہ چین پاکستان کے ساتھ ، دونوں ممالک کی آہنی دوستی کو فروغ دینے، چین پاکستان چاروں موسموں کی اسٹریٹجک شراکت داری کو مضبوط کرنے اور نئے عہد میں مزید قریبی چین پاکستان ہم نصیب معاشرے کی تعمیر کو آگے بڑھانے کا خواہاں ہے۔