کشتی حادثے میں ملوث منظم انسانی سمگلر گینگ کے دو ملزمان گرفتار

لاہور(بیوروچیف)ایف آئی اے کمپوز یٹ سرکل گجرات نے کشتی حادثہ میں ملوث منظم گینگ کے دو ملزمان کو گرفتار کر لیا۔گرفتار ملزمان میں راجہ راحیل اور سفیان شامل۔ گرفتار ملزمان کا تعلق گجرات سے ہے ملزمان کو کھاریاں سے گر فتار کیا گیا۔افسوسناک واقعہ سے پہلے ملزمان لیبیا کشتی حادثے کا شکار افراد کے لواحقین سے پیسے وصول کرتے تھے ملزمان وصول کئے گئے پیسے گینگ کے سرغنہ کو ٹرانسفر کرتے تھے ۔ملزمان پیسے وصول ہونے کے بعد اگلی منزل کا تعین کرتے تھے ملزمان کی گرفتاری کے لئے جدید وسائل کو بر وئے کار لایا گیا۔ڈائریکٹرجنرل ایف آئی اے نے بھی گزشتہ روز نوٹس لیتے ہوئے انسانی سمگلر و ں کیخلاف سخت کارروائی کا حکم دیا تھا۔ ملزمان کو گر فتار کر کے تحقیقات کا آغاز کردیا گیا اور دیگر ملز ما ن کی گرفتاری کیلئے چھاپے مارے جا رہے ہیں۔