کم عمر لائسنس نہ رکھنے والوں کیخلاف کارروائیاں جاری

لاہور (بیوروچیف)سی ٹی او لاہور عمارہ اطہر کے مطابق شہری لرنر پرمٹ، ڈوپلیکٹ، فریش، رینول کیلئے تشریف لے جا سکتے ہیں،لرنر پرمٹ، لائسنس فیسوں میں اضافے کا نیا شیڈول 10 جنوری سے نافذالعمل ہوگا،سی ٹی او لاہور عمارہ اطہر کی شہریوں کو جلد لائسنس کی تجدید اور فریش لائسنس بنوانے کی ہدایت کی ہے۔نئے فیس شیڈول کے مطابق کار اور موٹرسائیکل کے لرنر پرمٹ کیلئے 01 ہزار روپے فیس جمع کروانی ہوگی،شہری اب ایک، دو سال، تین سال، پانچ سال اور 10 سال تک کیلئے لائسنس حاصل کرسکیں گے،شہری گھر بیٹھے ڈوپلیکیٹ اور لائسنس کی تجدید کرواسکتے ہیں۔ سی ٹی او لاہور عمارہ اطہر کے مطابق اب شہریوں کو ہر سال اپنے لائسنس کی تجدید کروانا ہوگی، شہریوں کی سہولت اور آسانی کیلئے تمام لائسنس دفاتر کھلے ہیں،شہری نزدیکی لائسنس دفاتر سے لائسنس سروسز حاصل کریں،لبرٹی پولیس خدمت مرکز میں ون ونڈو آپریشن کامیابی سے جاری ہے۔شہر میں 08 خدمت مراکز 24/7 کام کررہے ہیں،آن لائن سروسز فراہم کرنے سے 90 فیصد رش میں کمی ہوئی۔کم عمر اور بغیر لائسنس ڈرائیورز کیخلاف کریک ڈان میں کوئی نرمی نہیں ہوگی۔