کھتی چیک پوسٹ پر دہشتگردوں کا حملہ’ ایک پولیس اہلکار زخمی

ڈیرہ اسماعیل خان (نمائندہ خصوصی) ڈیرہ ژوب روڈ پر واقع کھتی چیک پوسٹ پر دہشتگردوں کا بھاری ہتھیاروں سے حملہ ‘ ایک پولیس اہلکار زخمی ‘ پولیس کی جوابی کاروائی کے بعد دہشتگرد پسپا ہوگئے ‘ واقعہ کی اطلاع پر ضلعی پولیس سربراہ محمد شعیب خان پولیس نفری کے ہمراہ فوراً موقع پر پہنچ گئے ‘ سرچ آپریشن شروع ۔ تفصیلات کے مطابق تھانہ ڈیرہ ٹائون کی حدود ڈیرہ ژوب روڈ پر دگزشتہ رات دہشتگردوں نے بھاری ہتھیاروں سے کھتی پر حملہ کردیا ‘ پولیس نے دہشتگردوں کو موثر جواب دیتے ہوئے دہشتگردوں کاحملہ پسپا کردیا ‘ جس کی وجہ سے دہشتگرد بھاگنے پر مجبور ہو گئے ‘ واقعہ کی اطلاع پر ضلعی پولیس سربراہ محمد شعیب خان ‘ ڈی ایس پی صدر سرکل حافظ محمد عدنان پولیس نفری کے ہمراہ فوراً کھتی چیک پوسٹ پر پہنچ گئے ‘ جس کے بعد علاقہ میں دہشتگردوں کی تلاش کیلئے آپریشن شروع کردیا گیا ‘ دہشتگردوں کی فائرنگ سے ایک پولیس کانسٹیبل کامران زخمی ہوا ‘ جس کو فوری طور پر سول ہسپتال ڈیرہ منتقل کردیاگیا۔ ‘ جہاں پر ضلعی پولیس سربراہ محمد شعیب خان نے اس کی عیادت کی ۔