گھر میں ایمن خان کی چلتی ہے وہی فیصلے کرتی ہے’ منیب بٹ

لاہور (شوبز نیوز) شوبز انڈسٹری کے معروف اداکار منیب بٹ نے انکشاف کیا ہے کہ ایک سال تک میں نے روٹی چکھی تک نہیں ہے۔اداکار منیب بٹ نے اہلیہ ایمن خان کے ساتھ حال میں رمضان ٹرانسمیشن میں بطور مہمان شرکت کی اور اس دوران مختلف موضوعات پر اظہار خیال کیا۔ایک سوال کے جواب میں بتایا گیا کہ ہمارے گھر میں ایمن خان کی چلتی ہے، وہی سارے فیصلے کرتی ہیں۔32سالہ اداکار منیب بٹ نے کہا کہ چونکہ میں بٹ فیملی سے تعلق رکھتا ہوں، اس لیے میرے لیے اپنے بڑھتے وزن پر قابو رکھنا بہت مشکل ہوتا ہے۔انہوں نے کہا کہ میں بہت کم کھاتا ہوں، صبح 6 انڈے بغیر زردی کے کھاتا ہوں، دن میں ایک تکہ اور شام میں کچھ بھی ہلکا پھلکا کھا لیتا ہوں۔اداکار نے انکشاف کیاکہ میں نے ایک سال سے روٹی نہیں کھائی ہے۔