دینی مدارس کی رجسٹریشن ہوم ڈیپارٹمنٹ کو دینے کی تیاریاں

لاہور (بیوروچیف) پنجاب رولزآف بزنس میں بڑے پیمانے پرترامیم کا مسودہ تیار, صوبے میں دینی مدارس کی رجسٹریشن ہوم ڈیپارٹمنٹ کو دینے کی تیاری’ صوبے میں دینی مدارس کی رجسٹریشن ودیگرمعاملات محکمہ داخلہ دیکھے گا۔ سوسائٹیز رجسٹریشن ایکٹ1860کی ذمہ داری ہوم ڈیپارٹمنٹ کے حوالے کرنی کی تجویز دی گئی، سکول ایجوکیشن ڈیپارٹمنٹ سے پرانی شق (ڈی) ختم کرنیکی سفارشات کی گئیں۔سکول ایجوکیشن سے مدارسِ کے انتظامی معاملات واپس لیے جائیں گے، ترمیمی مسودہ جلد کابینہ کو بھجوایا جائے گا۔ منظوری کے بعد محکموں کے اختیارات میں نمایاں تبدیلیاں ہوں گی، مدارس کے انتظامی امور کی ازسرِنو تقسیم کی تجاویز ایوان وزیراعلیٰ سے موصول ہوئیں، تبدیلیوں کا مقصد محکماتی دائرہ کار کو واضح اور موثر بنانا ہے۔