سپیکر کا حکومت، اپوزیشن میں کردار ادا کرنیکا عندیہ

اسلام آباد(بیورو چیف)سپیکرقومی اسمبلی سردارایاز صادق نے ایک بار پھرحکومت اور اپوزیشن مذاکرات میں کردار ادا کرنے کا عندیہ دے دیا۔پیرکوقومی اسمبلی کے اجلاس کے دوران سردار ایاز صادق نے کہاکہ اپوزیشن لیڈر کا معاملہ ابھی عدالت میں زیر التوا ہے ،جیسے ہی عدالت کا حکم آتا ہے پھر فیصلہ کروں گا ۔سردار ایاز صادق نے ایک بار پھر عندیہ دیا کہ میں حکومت اپوزیشن کے درمیان مذاکرات کیلئے کردار ادا کرنے کو تیار ہوں، پہلے بھی کردار ادا کیا تھا مگر مجھے صلہ اچھا نہیں ملا۔انہوں نے کہا کہ اب لوگ بیٹھ جائیں اور مشاورت کرکے بتا دیں، اداروں کے خلاف بات کرکے کچھ حاصل نہیں ہونا ،ادارے سرحدوں کا دفاع کررہے ہیں دہشت گردی کے خلاف لڑرہے ہیں ان پر الزامات مناسب نہیں۔