یوم آزادی کے حوالے سے راول ویلفیئر پاکستان کا اجلاس

گوجرہ(نامہ نگار)یوم آزادی شایان شان طریقہ سے منانے کیلئے راول ویلفیئر پاکستان کے ضلعی چیئرمین چوہدری کامران ظفر راول کی رہائشگاہ گارڈن ٹاؤن میں اہم اجلاس منعقد ہوا اجلاس میں راول ویلفیئر کے تمام عہدیداران نے شرکت کی تفصیلات کے مطابق راول ویلفیئر کے ضلعی چیئرمین چوہدری کامران ظفر راول کی رہائش گاہ پر منعقدہ اجلاس میں سیف الرحمان راول، محمد عمران راول کباڑیہ، محمد شہباز راول محمد رمضان راول ،محمد خالد راول، غلام محمد لالہ راول، محمد افضل راول، عبدالرزاق راول، فوجی سجاد راول ،محمدارشاد راول، عمردراز راول ،فوجی محمد ارشد راول، سائیں راشد راول، حاجی آصف محمود راول، حکیم عامر راول نے شرکت کی ۔چیئرمین چوہدری کامران ظفر راول نے کہا کہ محسن پاکستان قائداعظم محمد علی جناح کی بدولت ہم آج ایک آزاد ریاست میں پرسکون زندگی بسر کررہے ہیں 14 اگست ہماری آزادی کا دن ہے اور ہم اس دن کو شایان شان طریقہ سے منائیں گے گڈا چوک میں 20 پونڈ کا کیک کاٹا جائے گا اور راول ویلفیئر کے تمام عہدیداران اپنے اپنے علاقوں سے موٹرسائیکل ریلیاں لے کر گڈا چوک جمع ہوں گے اور کیک کاٹنے کے بعد راول ویلفیئر ریلی کی شکل میں سارے شہر کا چکر لگائے گی۔