11جنوری کوچیئرمین بلاول بھٹو کا فقیدالمثال استقبال ہوگا

فیصل آباد(پ ر)پاکستان پیپلز پارٹی کے امیدواراین اے 95سردار عثمان نواز باجوہ ،پی پی98رانا فرازانیس نمبردارنے کہا ہے کہ 11 جنوری کو چیئرمین بلاول بھٹو کا فیصل آبادآمد پر فقیدالمثال استقبال ہوگا۔کارکن10نکاتی معا شی پروگرام کوگھرگھرپہنچائیںچ ہیدبھٹو بے نظیر کے عوامی فلسفہ کے تحت ہم عوام کوغربت،بے روزگاری اور بڑھتے ہوئے معاشی بحران سے نجات دلوائیں گے ۔ملک بھرمیں بجلی اور گیس کی شدید بندش نے عوام کا جینا محال کردیا ہے ایک طرف گیس سارا سارا دن آتی نہیں تو دوسری جانب بھاری بھرکم بل عوام کیلئے وبال جان بن چکے ہیں۔ملک میں ہرطرف معاشی بحران ہے گیس کی قیمتوں میں ہونے والا اضافہ شرمناک ہے ۔ کم آمدنی والے طبقہ دیہاڑی دار مزدور کی زندگی ہی اجیرن نہیں بلکہ سفید پوش طبقہ بھی ذہنی طور پر مفلوج ہے۔ انہوں نے کہا کہ اسوقت بجلی وگیس کی قیمتوں،مارک اپ میں اضافہ اورٹیکسوں کی بھر مار کے باعث پیداواری لاگت میں اضافے نے لوگوں قوت خرید ختم کردی ہے۔انہوں نے مزید کہاکہ رواں سال بھی لاکھوں نوجوانوں اور ہنر مند پاکستانیوں کا روزگار کے حصول وبہتر معیار زندگی کے لئے بیرون ممالک منتقل ہونا با حیثیت قوم ہمارے لیے لمحہ فکریہ ہے ، نگران حکمرانوں کو اس حوالے سے ترجیح بنیادوں پر اقدامات کرنے کی ضرورت ہے ۔