49غیر ملکی صحافیوں کو الیکشن کی کوریج کیلئے اجازت نامے جاری

اسلام آباد(بیورچیف)نگران وزیر اطلاعات مرتضیٰ سولنگی نے کہا ہے کہ انتخابات کے حوالے سے قیاس آرائیوں سے گریز کیا جائے ، غیرملکی میڈیا کے نمائندے انتخابات کی کوریج کے لیے پاکستان میں موجود ہیں۔اسلام آباد میں پریس کانفرنس کرتے ہوئے کہا کہ انتخابات کے حوالے سے قیاس آرائیوں سے گریز کیا جائے ، الیکشن کمیشن انتخابات کا ضابطہ اخلاق جاری کرچکا ہے ، انتخابات کی کوریج کے لیے غیرملکی میڈیا کے نمائندے پاکستان میں موجود ہیں۔انہوں نے کہا کہ مبصرین اور غیرملکی صحافیوں کو 49 ویزے جاری کیے گئے ہیں، نئی دہلی ہائی کمیشن کی 24 درخواستیں ویزا کے لیے زیرِ غور ہیں۔واضح رہے کہ گزشتہ روز 22جنوری کو حکومت نے ملک بھر میں8فروری2024کو ہونیوالے عام انتخابات کی کوریج کے لیے غیر ملکی میڈیا کو اجازت نامے جاری کر دیے تھے ۔وفاقی حکومت کی جانب سے پہلے مرحلے میں 35 غیر ملکی صحافیوں کو الیکشن کی کیوریج کے لیے اجازت نامے جاری کیے گئے ۔ذرائع کے مطابق جن ممالک سے تعلق رکھنے والے صحافیوں کو اجازت نامے جاری کیے گئے اُن میں چین، جاپان، امریکا، برطانیہ، کینڈا، ہانگ کانگ اور سنگاپور شامل ہیں۔ذرائع نے بتایا کہ غیر ملکی مبصرین کی جانب سے درخواستیں جمع کروانے کا آخری روز 20 جنوری تھا، الیکشن کمیشن نے 2 لاکھ ایکریڈیشن کارڈز چھاپے ہیں