پی ایس ایل 9 کا میلہ سجنے کو تیار

لاہور(بیوروچیف)پاکستان سپر لیگ (پی ایس ایل)9کا میلہ سجنے کو تیار ہے جس کے حوالے سے پاکستان کرکٹ بورڈ کی جانب سے تمام تیاریاں مکمل کر لی گئی ہیں۔لیگ کے میچز کیلئے ٹیموں کا لاہور میں پڑا ڈالنے کا سلسلہ جاری جاری ہے جبکہ مختلف ٹیموں کے پریکٹس سیشنز کا بھی آغاز ہو گیا، آج ایل سی سی اے گرانڈ میں پشاور زلمی پریکٹس سیشن میں حصہ لے گی۔کھلاڑی کوچز کی نگرانی میں بھرپور ٹریننگ کریں گے جبکہ شام سات بجے اسلام آباد یونائیٹڈ کے کھلاڑی پریکٹس سیشنز میں لہو گرمائیں گے۔واضح رہے کہ ایچ بی ایل پی ایس ایل 9 کا میلہ 17 فروری سے لاہور میں سجے گا، افتتاحی میچ میں دفاعی چیمپیئن لاہور قلندرز اور اسلام آباد یونائیٹڈ مدمقابل ہوں گی۔