PP-162کے انتخابی دفترکونشانہ بنانا بزدلانہ حرکت ہے

فیصل آباد(پ ر) پی پی 112 سے پیپلز پارٹی کے نامزد امیدوار چوہدری عدیل تاج نے کہا ہے کہ پاکستان پیپلز پارٹی کے کارکنوں کو گولیوں اور بم حملوں سے ڈرانے کی کوشش ناکام ہوگی۔ انتخابی مہم کے دوران میڈیا سے گفتگو کرتے ہوئے انہوں نے کہا کہ لاہور اور کراچی میں پیپلز پارٹی کی کارنر میٹنگ اور لاہور میں انتخابی دفتر پر حملے کی مذمت کرتے ہوئے کہا کہ پیپلز پارٹی کی ملک بھر میں مقبولیت دیکھ کر سیاسی مخالفین کو اپنی شکست صاف نظر آرہی ہے انہوں نے مزید کہا کہ نے کہا کہ پاکستان پیپلز پارٹی کا انتخابی میدان میں مقابلہ کرنے کی بجائے اوچھے ہتھکنڈوں پر اتر آنا در اصل شکست کا اعتراف ہے۔ انہوں نے کہا کہ کراچی کے انتخابی حلقے این اے 230 کشن بونیر میں اس وقت فائرنگ کی گئی جب جیالا امیدوار کارنر میٹنگ سے خطاب کر رہا تھا۔ انہوں نے کہا کہ پی پی 162 کے انتخابی دفتر کو نشانہ بناتا بزدلانہ حرکت ہے، لاہور پولیس پی پی 162 کے الیکشن آفس پر حملے کی ایف آئی آر فی الفور درج کرے۔