PTIکا حمایت یافتہ ایک اور آزاد امیدوار ہار گیا

کہوٹہ(نامہ نگار)پنجاب میں پاکستان تحریک انصاف کے حمایت یافتہ ایک اور آزاد امیدوار دوبارہ گنتی میں اپنی سیٹ ہار گئے۔ تفصیلات کے مطابق مسلم لیگ(ن)کے امیدوار راجہ صغیر احمد نے پنجاب کے حلقہ پی پی کہوٹہ کے68پولنگ سٹیشن کی دوبارہ گنتی کیلئے درخواست دی تھی، دوبارہ گنتی کے نتیجے میں راجہ صغیر احمد جیت گئے۔ذرائع کے مطابق دوبارہ گنتی میں مسلم لیگ(ن)کے امیدوار راجہ صغیر احمد کے 3 ہزار 621 ووٹ بڑھ گئے، ہارنے والے آزاد امید کرنل(ر)شبیر اعوان نے کہا کہ بیلٹ پیپرز پر ڈبل مہر لگا کر ووٹ مسترد کر دیئے گئے۔علاوہ ازیں پنجاب کے حلقہ پی پی 90 میں دوبارہ گنتی پر تحریک انصاف کے حمایت یافتہ کامیاب امیدوار عرفان اللہ خان ہار گئے جبکہ آزاد امیدوار احمد نواز خان نوانی 7 ووٹوں کی برتری سے کامیاب ہو گئے ہیں