چین کو چاول کی برآمدات ‘ 10لاکھ ٹن سے تجاوز کر گئیں

اسلام آ باد(بیوروچیف) چین نے کووڈ 19 سے متعلق اپنی پابندیوں میں نرمی کی ہے، میرے خیال میں پاکستانی پروڈیوسرز کے لیے ایک اہم تبدیلی آئے گی،مجھے امید ہے کہ پاکستانی پروڈیوسرز، ایکسپورٹرز اور مینوفیکچررز یہاں آئیں گے اور اس کی شاندار مارکیٹ تلاش کریں گے۔ان خیالات کا اظہار چین میں پاکستان کے سفارت خانے کے کمرشل قونصلر غلام قادر نے چائنہ اکنامک نیٹ کو انٹرویو کیا۔ انہوںنے کہا 8 جنوری کو چین نے اندرون ملک مسافروں کے لیے قرنطینہ کی شرائط کو ختم کر دیا، جس سے پاکستان سمیت دنیا کے دیگر ممالک کے ساتھ اس کے اقتصادی اور تجارتی تعلقات بہتر ہوئے ہیں۔چائنا اکنامک نیٹ کے مطابق کمرشل قونصلر نے بتایا کہ دونوں برادر ممالک کے درمیان زیادہ بار بار تبادلوں کے لیے پاکستان بزنس مواقع کانفرنسیں اور سہ فریقی کاروباری مواقع کانفرنسیں پائپ لائن میں ہیں۔ مختلف ثقافتی تہوار جیسے کوکنگ، فوڈ، اور فیشن شوز منعقد کیے جائیں گے۔ انہوں نے کہا کہ ہم چین میں پاکستانی مصنوعات کے روڈ شو کے انعقاد پر بھی غور کر رہے ہیں۔ چائنا اکنامک نیٹ کے مطابق غلام قادر نے کہاکہ گزشتہ سال پر نظر ڈالیں تو یہ عالمی معیشت کے لیے ایک مشکل سال رہا ہے، اس کے باوجود کامیابیاں حاصل ہوئی ہیں،پاکستان کی چیری کو چین کو برآمد کرنے کی اجازت دی گئی ، جس کی مارکیٹ 2 بلین امریکی ڈالر کے برابر ہے،چین کو ہماری تل کے بیجوں کی برآمداتگزشتہ سال کی نسبت ک جنوری سے ستمبر 2022 میں 50 فیصد بڑھ کر 59.09 ملین امریکی ڈالر تک پہنچ گئیں۔ انہوں نے کہا پاکستان کی چین کو چاول کی برآمدات 10 لاکھ ٹن کے تاریخی اعداد و شمار کو عبور کر گئیں،ہم روز مرہ اور گوشت کی مصنوعات کے لیے تجارتی پروٹوکول کو بھی حتمی شکل دے رہے ہیں،یہ تقریبا 20 بلین امریکی ڈالر کی مارکیٹ ہے۔ انہوں نے سی ای این کو بتایا کہ رواں سال ای کامرس پر توجہ دی جائے گی۔