پیرس (مانیٹرنگ ڈیسک)کیا ڈونلڈ ٹرمپ واپسی کر سکتے ہیں؟ کیا روس میں کوئی ولادیمیر پیوٹن کو مزید چھ سال چیلنج کرے گا؟2024میں نصف دنیا انتخابات کی جانب بڑھ رہی ہے، اور تقریبا30ممالک صدر کا انتخاب کر نے والے ہیں۔ان میں سے امریکا، روس، بھارت، یورپی یونین اور میکسیکو سمیت پانچ انتخابات آنے والے دنوں میں دنیا کی سیاست کے رخ کا تعین کریں گے۔ جن میں سب سے اہم امریکا کے صدارتی انتخابات ہیں،5 نومبر کو امریکی انتخابی میدان میں امریکا کے 60 ویں صدر کا انتخاب کریں گے، جن میں موجودہ صدرجو بائیڈن کو 86 سال کی عمر تک اقتدار میں رکھنے کا امکان ہے۔تاہم، سروے سے پتہ چلتا ہے کہ رائے دہندگان کی اکثریت یہ سمجھتی ہے کہ کمانڈر انچیف بننے کے لییڈیموکریٹ بہت بوڑھے ہوچکے ہیں. اس کے باوجود کہ ان کے ممکنہ حریف سابق صدر ڈونلڈ ٹرمپ 77 سال کی عمر میں اسی طرح کی غلطیاں کر رہے ہیں۔ایسا لگتا ہے کہ اس مہم کے خدوخال غلط معلومات پر مبنی ہیں، یہ آخری بار کی جانے والی بدتمیزی کے مقابلے کا ایک خمار ہے ،جس کا اختتام ٹرمپ کے حامیوں کا امریکی کیپیٹل پر دھاوا بول کرجو بائیڈن کی فتح کی تصدیق کو روکنے کی کوشش پر ہوا۔متعدد مجرمانہ مقدمات کے باوجود ڈونلڈ ٹرمپ ریپبلکن پارٹی کی نامزدگی کے مقابلے میں نمایاں پسندیدہ شخصیت میں آتے ہیں۔دوسری جانب روس کے 23 برس سے سربراہ ولادیمیر پیوٹن ،جنہوں نے 2036 تک اقتدار میں رہنے کیلئے 2020میں آئین میں ترمیم کی تھی، جس سے ان کے جوزف اسٹالن سے زیادہ عرصے تک حکومت کرنے کا امکان ہے۔
![](https://dailybusinessreport.pk/wp-content/uploads/2023/11/Untitled-6-copy-12.jpg)