آسٹریلیا اور بھارت کی کرکٹ ٹیمیں 26دسمبر کو چوتھا ٹیسٹ کھیلنے کیلئے تیار

میلبورن(سپورٹس نیوز) آسٹریلیا اور بھارت کی ٹیموں کے درمیان 5ٹیسٹ میچوں کی سیریز کا چوتھا ٹیسٹ میچ 26 دسمبر سے میلبورن کرکٹ گرائونڈمیں شروع ہوگا،دونوں ٹیموں کے درمیان پانچ ٹیسٹ میچوں کی بارڈرگواسکر ٹرافی سیریز 1-1 سے برابر ہے۔بھارت کی ٹیم نے پہلے ٹیسٹ میچ میں آسٹریلیا کی ٹیم کو 295 رنز سے شکست دے کر سیریز میں 0-1 کی برتری قائم کی ، تاہم دوسرے ٹیسٹ میچ میں میزبان آسٹریلوی ٹیم نے جاندار کم بیک کرتے ہوئے مہمان ٹیم کو با آسانی 10 وکٹوں سے شکست دی اور پانچ میچوں کی سیریز بھی 1-1 سے برابر کر دی،دونوں ٹیموں کے درمیان برسبین میں کھیلا گیا تیسرا ٹیسٹ میچ ہار جیت کے فیصلے کے بغیر ختم ہوگیا تھا۔بھارت کی مردوں کی قومی کرکٹ ٹیم اپنے دورہ آسٹریلیا کے دوران میزبان ٹیم کے خلاف پانچ بین الاقوامی ٹیسٹ میچوں کی بارڈر ۔ گواسکر ٹرافی سیریز کھیلے گی۔