اتھیاشیٹی نے کے ایل راہول کے ہمراہ نئی تصاویر شیئر کر دیں

ممبئی (شوبز نیوز) بالی ووڈ انڈسٹری کے معروف اداکار سنیل شیٹی کی بیٹی، اداکارہ و ماڈل اتھیا شیٹی نے شوہر، کرکٹر کے ایل راہول کے ہمراہ نئی تصاویر شیئر کی ہیں۔یاد رہے کہ اداکارہ اتھیا شیٹی اور بھارتی کرکٹر کنور لوکیش راہول اپنے یہاں جلد ننھے مہمان کو خوش آمدید کہنے والے ہیں۔اتھیا شیٹی نے کے ایل راہول کے ہمراہ اپنا خوبصورت میٹرنٹی فوٹو شوٹ کروایا ہے۔میٹرنٹی فوٹو شوٹ میں کے ایل راہول اور اتھیا شیٹی کو خوش گوار موڈ میں دیکھا جا سکتا ہے۔اتھیا شیٹی کی نئی پوسٹ کے کمنٹ باکس میں بالی ووڈ انڈسٹری سمیت اس جوڑی کے مداح اپنی پسندیدہ جوڑے کے ہاں ننھے مہمان کی آمد سے متعلق پرجوش نظر آ رہے ہیں۔اس سے قبل 63 سالہ بھارتی اداکار سنیل شیٹی نے ایک انٹرویو میں کہا تھا کہ میری بیٹی اتھیا شیٹی کے ہاں بچے کی پیدائش اپریل میں متوقع ہے۔سنیل شیٹی نے کہا تھا کہ گھر پر کھانے کی میز پر آنے والے نواسے کے علاوہ کوئی اور بات چیت نہیں ہو رہی اور ہم کوئی اور بات چیت چاہتے بھی نہیں ہیں، ہم اپریل میں بچے سے ملنے کیلئے بے صبری سے انتظار کر رہے ہیں۔