احترام آرڈیننس پر سختی سے عملدرآمد کروایا جائے

فیصل آباد (سٹاف رپورٹر)پاکستان پیپلزپارٹی کے سرگرم رہنما وامیدوار ایم پی اے رائے شہادت خان کھرل نے پنجاب حکومت اور مقامی ڈویژنل و ضلعی انتظامیہ سے پر زور مطالبہ کیا ہے کہ ماہ مقدس رمضان المبارک میں احترام رمضان آرڈیننس پر سختی سے عملدرآمد کروایا جائے’ ماہ رمضان المبارک میں ہوٹل’ ٹی سٹال’ پان شاپ وغیرہ کھولنے والوں کے خلاف سخت ترین ایکشن لیا جائے’ انہوں نے کہا کہ بدقسمتی سے گذشتہ چند سالوں سے رمضان مبارک کا تقدس مجروح کیا جا رہا ہے ‘ ہوٹلز’ کیفے’ پان شاپس کھلے دکھائی دیتے ہیں ‘ نہ تو ہوٹل مالکان اور نہ ہی روزہ داروں کے خلاف کارروائی کی جاتی ہے حالانکہ احترام رمضان ایکٹ پر عملدرآمد ہر ضلعی انتظامیہ کی ذمہ داری ہے ‘انہوں نے مزید مطالبہ کیا ہے کہ رمضان المبارک میں اشیاء خورد و نوش کی قیمتوں کو اعتدال پر لایا جائے ناجائز منافع خوروں ‘ ذخیرہ اندوزوں کی حوصلہ شکنی کی جائے اور مصنوعی مہنگائی پر قابو پانے کیلئے عملی اور ٹھوس اقدامات کئے جائیں۔