الیکشن میں بینرز اور پوسٹرز کا سائز کیا ہو گا؟

لاہور(بیوروچیف)الیکشن میں بینرز، سٹیمرز اور پوسٹرز کا سائز کیا ہو گا؟ تشہیری مواد کے لئے ضابطہ اخلاق جاری ہو گئے۔ نوٹیفکیشن کے مطابق نجی پرنٹنگ پریس کو ہدایت نامہ مل گیا، بل بورڈ، وال چاکنگ پر پابندی عائد کر دی گئی، پوسٹر کا سائز 23/18انچ سے زائد نہیں ہونا چاہئے، ہینڈ بل اور پمفلٹ کا سائز 9/6انچ سے تجاوز نہ کرے، 9/3 فٹ کے بینر کی اجازت ہو گی، پوٹریٹ سائز 3/2 فٹ تک رکھا جائے۔قرآنی آیات، احادیث اور دیگر مقدس چیزوں کی حرمت برقرار رکھنا لازم قرار دیا گیا، کسی بھی تشہیری مواد پر سرکاری اہلکار کی تصاویر چھاپنے پر مکمل پابندی عائد کر دی گئی، خلاف ورزی کرنیوالے پرنٹنگ پریس کے خلاف قانونی کارروائی ہو گی، الیکشن کمیشن ایکٹ کے تحت افسر کارروائی کرنے کے پابند ہوں گے۔