امریکی ریسلر جان سینا بھی اداکار شاہ رخ کے مداح نکلے

نیویارک (شوبز رپورٹر) نامور امریکی پہلوان جان سینا شاہ رخ خان کے بڑے مداح نکلے۔بالی ووڈ بادشاہ کا گانا گانے کے بعد اب 13 مرتبہ کے ڈبلیو ڈبلیو ای چیمپئن جان سینا نے انکے سب سے مشہور انداز کی تصویر بھی سوشل میڈیا پر شیئر کردی۔ جان سینا نے فوٹوز اینڈ ویڈیوز شیئرنگ ایپ انسٹاگرام پر بازو پھیلائے شاہ رخ خان کی تصویر شیئر کی۔ امریکی پہلوان کی اس تصویر کو نہ صرف شاہ رخ خان اور جان سینا کے مداحوں بلکہ بالی ووڈ سے تعلق رکھنے والی شخصیات نے بھی پسند کیا جس میں اداکار ورون دھون شامل ہیں۔ واضح رہے کہ ورون دھون اس بات کا بھی انکشاف کر چکے ہیں کہ وہ پہلوان بننا چاہتے تھے۔