انسداد سموگ ایکشن،رواں ماہ76افراد گرفتار

فیصل آباد (سٹاف رپورٹر) سی پی او فیصل آباد ڈی آئی جی کامران عادل نے سموگ کے بڑھتے خطرات کے پیش نظر انسداد سموگ ایکشن کو مزید تیز کرنے کی ہدایت جاری کر دیں، تفصیلات کے مطابق سی پی او فیصل آباد ڈی آئی جی کامران عادل نے سموگ کے بڑھتے خطرات کے پیش نظر انسداد سموگ ایکشن کو مزید تیز کرنے کی ہدایت جاری کر دیں۔ خلاف ورزی کرنے والی فیکٹریوں ،کارخانوں ، بھٹے اور گاڑیاں جو فضائی آلودگی کا سبب بن رہی ہیں، ان کے خلاف قانونی کاروائی عمل میں لائی جا رہی ہے۔ گزشتہ 24گھنٹوں میں خلاف ورزی کرنے والی فیکٹریوں، کارخانوں، بھٹے اور گاڑیوں کے خلاف ضلع فیصل آباد میں 11مقدمات کا اندارج کر کے 11ملزمان کو گرفتار کیا گیا جبکہ ماہ نومبر میں 83مقدمات درج کر کے 76ملزمان گرفتار کر لیے گئے۔ سٹی پولیس آفیسر نے کہا کہ سموگ سے بچنے کے لیے احتیاطی تدابیر اپنائیں گھروں سے نکلنے سے پہلے چہرہ ڈھانپ لیں اور ماسک کا استعمال لازمی کریں۔ شہریوں سے اپیل ہے وہ اس مہم میں پولیس کا ساتھ دیں، فیصل آباد پولیس عوام کے تحفظ کیلئے اپنی پوری کوشش کر رہی ہے۔