انٹرکلب کبڈی ٹورنامنٹ اتحاد کلب نے جیت لیا

فیصل آباد (پ ر) انٹر کلب کبڈی ٹورنامنٹ میلہ مائی مستانی مکوآنہ کے فائنل میں اتحاد کلب نلے والانے علی شہنشاہ کلب مکوآنہ کو 34کے مقابلہ میں 36پوائنٹ حاصل کرکے جیت لیا۔ ٹورنامنٹ میں 14ٹیموں نے شرکت کی برکات شریف کلب وزیر والا نے تیسری ، ڈائمنڈ اعوان کلب نے چوتھی پوزیشن حاصل کی عالمی مبصر طیب گیلانی ،میلہ مالک عمران رحمانی ، چیف آرگنائزرمحمداسراراحمدلکھویرا نے آرگنائزر کے فرائض سرانجام دیئے ۔اس موقع پر حاجی محمدحنیف لکھویرا، حاجی ملک مظہر اعوان ، چوہدری مزمل سنیارا، انٹر نیشنل کھلاڑی میاں عابد حسین ، فاروق بٹ چیئرمین عشرزکوٰة کمیٹی ، جاوید اعوان مہمان خصوصی تھے۔ جنہوں نے جیتنے والی ٹیموں میں کیش انعامات اورٹرافیاں تقسیم کیں ۔ ٹیکنیکل کمیٹی کے فرائض عبدالحکیم ، سید حسن شاہ کوچ، بابو شیخ ، پروفیسر شہزاد سلیم کھوکھر، مطلوب بٹ، ارشد ڈوگر ، لیاقت بھٹی اورشاہد چیمپئین نے سرانجام دیئے ۔ دانش انصاری نے کمنٹری کی ۔