اولمپئن ارشد ندیم نے سوئمنگ شروع کردی

لاہور( سپورٹس نیوز) اولمپئن جیولین تھرور ارشد ندیم نے سوئمنگ شروع کردی۔اولمپئن ارشد ندیم کا کہنا ہے کہ وہ رو زانہ 2 گھنٹے سپورٹس بورڈ پنجاب کے پول میں سوئمنگ اور مختلف پول ایکسرسائزز کرتے ہیں، سوئمنگ اور پول ایکسرسائز سے انہیں کافی فائدہ ہورہا ہے اور اب ٹانگ میں کوئی تکلیف نہیں جبکہ اب انہوں نے تھرو بھی شروع کردی ہے۔ارشد ندیم ان دنوں ری ہیب میں مصروف ہیں اور تیزی سے مکمل فٹنس حاصل کر رہے ہیں، پیرس اولمپکس سے قبل 7جولائی کو ڈائمنڈ لیگ پیرس ان کا ہدف ہے۔یاد رہے کہ ارشد ندیم فن لینڈ کے ایونٹس کیلئے لاہور کی سخت گرمی میں ٹریننگ کررہے تھے کہ اس دوران دوہفتے قبل ٹانگ کی تکلیف کا شکار ہوگئے تھے۔