اہم اعزازحارث رئوف کے نام

لاہور (سپورٹس نیوز) پاکستان کرکٹ ٹیم کے فاسٹ بولر حارث رف نے ٹی20انٹرنیشنلز میں اہم اعزاز اپنے نام کرلیا۔تین ٹی ٹوئنٹی میچوں کی سیریز کے دوسرے میچ میں آسٹریلیا نے پاکستان کو 13رنز سے شکست دے کر سیریز میں 0-2 کی ناقابل شکست برتری حاصل کرلی۔آسٹریلیا کے کپتان جوش انگلس نے ٹاس جیت کر پہلے بیٹنگ کا فیصلہ کیا تھا، کینگروز نے مقررہ 20 اووز میں 9 وکٹوں کے نقصان پر 147 رنز بنائے۔ پاکستان کی جانب سے حارث رف نے 4 اور عباس آفریدی نے 3 کھلاڑیوں کو آٹ کیا۔ آسٹریلیا کی جانب سے دیے گئے 148 رنز کے ہدف کے تعاقب میں پاکستان ٹیم 19.4 اوورز میں 134 رنز بنا کر آٹ ہوگئی۔آسٹریلیا کے خلاف دوسرے ٹی ٹوئنٹی میں شاندار بولنگ کرنے والے حارث رف نے اس میچ میں اہم سنگ میل بھی عبور کیا۔میچ میں 4 وکٹیں لینے والے حارث رف مشترکہ طور پر پاکستان کی جانب سے ٹی ٹوئنٹی انٹرنیشنلز میں سب سے زیادہ وکٹیں لینے والے بولر بن گئے ہیں۔ حارث رف نے 72 ٹی ٹوئنٹی انٹرنیشنلز میں 107 وکٹیں لی ہیں، جو کہ مشترکہ طور پر پاکستانی بولر کے اس فارمیٹ میں سب سے زیادہ شکار ہیں۔قومی اسپنر شاداب خان بھی 96 اننگز میں 107 وکٹیں لے چکے ہیں۔اس کے علاوہ حارث کی آسٹریلیا کے خلاف دوسرے میچ میں 4 اوورز میں 22 رنز دے کر 4 وکٹیں، آسٹریلیا میں ٹی ٹوئنٹی انٹرنیشنلز میں کسی بھی غیر ملکی بولر کے بہترین اعدادوشمار ہیں۔یاد رہے کہ اس سے قبل یہ اعزاز سری لنکا کے نوان کلاسیکرا کے پاس تھا جنہوں نے 2017 میں آسٹریلیا میں 31 رنز دے کر 4 کھلاڑی آئوٹ کیے تھے۔