اسلام آباد (بیوروچیف)اسلام آباد کی انسدادِ دہشت گردی عدالت نے ایمان مزاری اور علی وزیر کی درخواستِ ضمانت منظور کر لی۔ ایمان مزاری اور علی وزیر کی درخواست ضمانت بعداز گرفتاری پر سماعت اے ٹی سی جج ابوالحسنات ذوالقرنین نے کی۔پراسیکیوٹر راجا نوید، شیریں مزاری اور وکیل صفائی اے ٹی سی میں پیش ہوئے۔عدالت نے ایمان مزاری اور علی وزیر کی درخواستِ ضمانت 30، 30 ہزار روپے مچلکوں کے عوض منظور کی۔دوران سماعت پراسیکیوٹر راجا نوید نے کہا کہ ایمان مزاری کے جلسے میں ہزار سے زائد افراد موجود تھے، انہوں نے تقریر میں کہا ریاستی افسران نے غداری کی ہے، ایمان مزاری کی تقریر کی یو ایس بی ابھی آنی ہے۔
![](https://dailybusinessreport.pk/wp-content/uploads/2023/08/Untitled-3-copy-9.jpg)