برطانیہ سفر کیلئے الیکٹرانک اجازت نامہ لازمی قرار

لندن(مانیٹرنگ ڈیسک) برطانیہ نے اعلان کیا ہے کہ آج سے برطانیہ کا سفر کرنے والے 85ممالک کے شہریوں کو اپنی آمد سے پہلے الیکٹرانک اجازت نامہ حاصل کرنا لازمی ہو گا ورنہ انہیں سفر سے روکدیا جائے گا ۔ الیکٹرانک اجازت نامہ سکیم کے تحت وہ تمام افراد جو ویزا کے بغیر داخل ہو سکتے ہیں انہیں 16 پانڈ آن لائن ادا کرکے اجازت نامہ حاصل کرنا پڑے گا، یہ سکیم پہلی مرتبہ 2023 میں متعارف کرائی گئی تھی، گزشتہ برس اپریل میں یہ پابندیاں صرف یورپی یونین کے ممالک کے شہریوں کیلئے تھیں تاہم اس پر سختی سے عمل نہیں کیا گیا۔آج سے لازمی ہوگا کہ برطانیہ کا دورہ کرنے والے افراد کے پاس الیکٹرانک اجازت نامہ، ای ویزا یا دیگر درست دستاویزات موجود ہوں، دوسری صورت میں ایئر لائنز پابند ہوں گی کہ انہیں جہاز پر سوار ہونے سے روک دیں۔برطانوی اور آئرلینڈ کے شہری یا دوہری شہریت رکھنے والے اور وہ افراد جو برطانیہ میں رہنے کا اجازت نامہ رکھتے ہیں انہیں اس سے استثنیٰ ہوگا۔